колумбийәдә һәрбийләргә қилинған һуҗумда 1 әскәр қаза қилип, 2 әскәр йариланди
колумбийәниң антакйу мәмурий районида, һәрбий қисимға қилинған һуҗумда 1 әскәр қаза қилди вә 2 әскәр йариланди.
1743111
түркийә авази радийоси хәвири: колумбийә мәтбуатлиридики хәвәрләргә асасланғанда, анори йезисида һәрикәт елип бериватқан һәрбий қисим қилтаққа чүшүрүлгән. һуҗумда 1 әскәр нәқ мәйданда қаза қилған вә 2 әскәр еғир йариланған.
даириләр бу һуҗумни «Clan del Golfo» намлиқ тәшкилатиниң қилғанлиқини илгири сүрмәктә.
районда һәрбий һәрикәт башланғанлиқи билдүрүлди.
колумбийәдә әң җиддий тутуш буйруқи чиқирилған зәһәрлик чекимлик әткәсчилириниң бири, «Clan del Golfo» ниң рәһбири «дайро антонийо усуга» 24 - өктәбирдики һәрбий вә сақчиларниң бирләшмә һәрикитидә қолға елинған иди.