hindonéziyediki yanar tagh partlash weqeside, qaza qilghanlarning sani 13 ke yetti

türkiye awazi radiyosi xewiri: lumajang rayonida déngiz yüzidin 3676 métir égizlikke jaylashqan séméru yanar téghi partilighandin kéyin, etraptiki olturaq rayonlar qoyuq kül we is-tütekler bilen qaplandi. rayondiki 11 yéza partilashning éghir tesirige uchridi.

döletlik apetni bashqurush orgini (BNPB) ning emeldari abdul muhari yazma bayanatida, partilashtin kéyin 13 kishining hayatidin ayrilghanliqini éytti we ulardin peqet ikki kishiningla kimlki éniqlanghanliqini bildürdi.

abdul muhari partilash sewebidin 98 kishining yarilanghanliqini we köpinchisining köyüktin dawaliniwatqanliqini eskertti.

yene bir tereptin, nurghun yéza-kentlerning is-tütek we kül sewebidin qarangghuluqqa patqanliqini we 902 kishining bixeter jaylargha tarqaqlashturulghanliqini bildürdi.  

partilashtin kéyin kanda qapsilip qalghan 10 ishchiningmu qutquzuwélinghanliqi élan qilindi.

lumajangning muawin reisi indah masdar tünügün qattiq köyüp yarilanghan bir kishining qaza qilghanliqini we 41 kishining yarilanghanliqini élan qilghan idi.

hindonéziye ténch okyanning ot halqisi, yer tewresh we yanar tagh belbéghigha jaylashqan bolup, texminen 130 aktip yanar tagh barliqi melum.