amérika ukraina mesiliside rusiyeni agahlandurdi

amérika aqsaray bayanatchisi psaki rusiyeni ukraina mesiliside agahlandurup, «2014-yili qirimda qilghinigha oxshash qedemlerni basmasliq» ni chaqiriq qildi.

1742547
amérika ukraina mesiliside rusiyeni agahlandurdi

türkiye awazi radiyosi xewiri:  aqsaray bayanatchisi psaki kündilik axbarat élan qilish yighinida, yéqinqi künlerde ukraina mesiliside küchiyiwatqan amérika-rusiye ziddiyiti üstide toxtaldi.

u moskwaning ukrainagha qarshi «urushqaq» qedemlirini yéqindin közitiwatqanliqlirini we amérika tashqi ishlar ministiri antoni blinkénning rusiye tashqi ishlar ministiri séreéy lawrowgha ukraina toghrisidiki barliq endishelirini nahayiti ochuq halda yetküzgenlikini bildürdi.

amérikaning rusiyege qarshi émbargolardin bashqa wastilerning bar-yoqluqi toghrisidiki soalgha, ukrainagha qiliwatqan herbiy yardemlerni köpeytilgenlikini eskertip, mundaq jawab berdi:

«eger ruslar 2014-yili (qirimni özige qoshuwélish jeryani) qirimda qilghinigha oxshash heriketlerni qilsa, qolimizda nurghun wastilerning barliqini ulargha biwaste yetküzduq.»

 amérika tashqi ishlar ministiri blinkén stokholmda rusiye tashqi ishlar ministiri lawrow bilen körüshkende, moskwa ukraina chégrasida herbiy jiddiychilikni ulghaytqan teqdirde éghir bedel töleydu, dep bayanat élan qilghan idi.

bayanatchi psaki sözide, aléksandir lukashénko hakimiyiti astidiki bélarusiyege yéngi éghir émbargolarni yolgha qoyghanliqlirini eskertip, buning émbargolarning 5-dolquni ikenlikini bildürdi.

u lukashénko hökümitini démokratiye we kishilik hoquqni basturush, «yawropa ittipaqigha adem etkeschilikini teshkillesh» bilen eyiblep, yawropa ittipaqi bilen teng maslashqan halda, zörür bolghanda yéngi émbargolarni yürgüzidighanliqlirini qeyt qildi.

amérika bélarusiye hakimiyiti bilen munasiwetlik 12 shirket we 20 emeldarni émbargo tizimlikige kirgüzgenlikini élan qilghan idi.



مۇناسىۋەتلىك خەۋەرلەر