mérkél üchün herbiy widalishish murasimi ötküzüldi

türkiye awazi radiyosi xewiri:  gérmaniye bash ministiri angéla mérkél dölet mudapie ministirliqida ötküzülgen herbiy widalishish murasimida söz qildi.

u 16 yilliq bash ministirliq wezipisidin kéyin minnetdarliq we kemterlik hés qilghanliqini éytti.

u kéler hepte wezipisini sotsyal démokrat partiyesining reisi olaf sholz (Olaf Scholz) gha ötküzüp béridu.

u bash ministir bolup xizmet qilghan 16 yilning hemishe qiyin ötkenlikini bildürüp:  «bolupmu waba tarqalghan bu ikki yil, syasetke, bilimge we ijtimaiy söz-heriketke bolghan ishenchning qanchilik muhim ikenlikini, shundaqla qanchilik ajiz ikenlikini ispat bilen körsiitp berdi» dédi.

u démokratiyeni nepret, zorawanliq we xata uchurlardin qoghdashni chaqiriq qilip, mundaq dédi:

 «démokratiyemiz, özini özi tenqid qilidighan we tüzütüsh iqtidari bilen tereqqiy qilidu. dawamliq menpeet tengpungluqida we bir-birige bolghan hörmette yashaydu. u izchil menpeet we bir-birini hörmetlesh tengpungluqida yashaydu. u ittipaqliq we ishenchni ilgiri süridu, shundaqla pakitqa ishinidu. ilim-pen bilimliri ret qilinghan, süyqest nezeriyesi we héssiyattin paydilinish keng tarqalghan her qandaq jayda, ziddiyetni choqum otturigha qoyush zörür bolghan emeliyitide yashaydu» dédi.

u kéyinki qiyinchiliqlargha jawab tépish we kelgüsini shekillendürüsh wezipisining yéngi hökümetke qalghanliqini eskertip, bu sewebtin kéler hepte wezipisini ötküzüp béridighanliqini bildürdi we olaf sholzgha muweppeqiyet tilidi.

widalishish murasimigha, pirézidént frank woltér stéyinméyir (FrankWalter Steinmeier) we repiqisi élké büdénbéndér (ElkeBüdenbender) hemde munasiwetlik yuqiri derijilik siyasiy rehberler qatnashti.

bash ministir angéla mérkél 8-dékabir (2021) parlaméntta, olaf sholz qesem bergendin kéyin, uninggha wezipisini ötküzüp béridu.