dunya sehiye teshkilati: délta wariyantida toplanghan tejribiler paydilinish qollanmisi bolidu

dunya sehiye teshkilati chégra tedbirlirining, wuxen wirusi (Kovid-19) omikron wariyantigha qarshi küreshke nisbeten waqitni uzartishi mumkinlikini, emma délta wariyantida qolgha keltürülgen tejribe-sawaqlarning paydilinish qollanmisi bolidighanliqini bildürdi.

1742570
dunya sehiye teshkilati: délta wariyantida toplanghan tejribiler paydilinish qollanmisi bolidu

türkiye awazi radiyosi xewiri:  dunya sehiye teshkilati tinch okyan rayonida bezi döletler yolgha qoyghan chégrani taqash tedbirlirining, wuxen wirusi (Kovid-19) omékron wariyantigha qarshi küreshke nisbeten waqitni uzartishi mumkinlikini, emma délta wariyantida qolgha keltürülgen tejribe-sawaqlarning paydilinish qollanmisi bolidighanliqini bildürdi.

dunya sehiye teshkilati tinch okyan rayoni diréktori doktor takéshi kasai 26-noyabir (2021) ötküzülgen intérnét axbarat élan qilish yighinida, rayondiki bezi döletler wuxen wirusining chong dolqunigha duch kelgen bolsa, bashqa nurghun döletlerde wuxen wirusigha munasiwetlik ölüm we weqelerning aziyiwatqanliqini yaki muqimlashqanliqini eskertti.

u: «chégra kontrolluqi wirusning döletlerge tarqilishini kéchiktürüp, waqitni keynige sürüshi mumkin. emma her bir dölet we jemiyet wirusqa munasiwetlik weqelerning köpiyishige teyyarliq qilishi kérek» dédi.

u omikron wariyantining téximu tarqilishchan bolush mumlkinliki sewebidin, tekshürüsh we közitishlerni köpeytishning shert ikenlikini tekitlidi.

dunya sehiye teshkilatining rayonluq jiddiy ehwal diréktori babatundé olowokuré délta wariyantida qolgha keltürülgen tejribe-sawaqlarning, omikron wariyantigha qarshi küreshte paydilinish qollanmisi bolidighanliqini bildürdi.



مۇناسىۋەتلىك خەۋەرلەر