блинкен билән исираилийә баш министири нафтали беннет телефонда көрүшти
америка ташқи ишлар министири антони блинкен исираилийә баш министири нафтали беннетқа, икки дөләтлик һәл қилиш чариси тиришчанлиқлириға зийан салидиған, бир тәрәплимә қәдәмләрдин йирақ туруши лазимлиқини билдүрди.
түркийә авази радийоси хәвири: америка ташқи ишлар министири антони блинкен исираилийә баш министири нафтали беннетқа, исираилийәниң икки дөләтлик һәл қилиш чариси тиришчанлиқлириға зийан салидиған, қанунсиз туралғу райони қуруш паалийәтлирини өз ичигә алған бир тәрәплимә қәдәмләрдин йирақ туруши лазимлиқини билдүрди.
америка ташқи ишлар министирлиқи байанатчиси нед прайс блинкен билән исираилийә баш министири беннет билән телефонда көрүшкәнликини елан қилди.
у икки рәһбәрниң телефон сөһбити тоғрисида елан қилған йазма байанатида: «министир блинкен билән баш министир беннет күчлүк болған америка-исираилийә шериклик мунасивитини тәкитлиди. иран вә вийеннада давамлишиватқан йадро сөһбити, вухән вируси сәвәб болған дунйави синақларни өз ичигә алған район хәвпсизлики мәсилилирини музакирә қилди. министир блинкен йәнә, исираилийә вә пәләстин һөкүмитиниң йирикчиликни күчәйтидиған вә туралғу райони қуруш паалийәтлирини көпәйтиш қатарлиқ музакирә қилинған ликки дөләтлик һәл қилишни алға сүридиған тиришчанлиқларға зийан салидиған бир тәрәплимә қәдәмләрдин йирақ туруш керәкликини қаттиқ тәкитлиди» деди.
