amérika rusiyening ukraina chégrasigha esker toplishidin endishe qiliwatqanliqini bildürdi

amérika aqsaray bayanatchisi jén psaki, rusiyening ukraina chégrasigha esker toplishi we bu heqtiki bayanatliri toghrisida toxtaldi.

1742067
amérika rusiyening ukraina chégrasigha esker toplishidin endishe qiliwatqanliqini bildürdi

türkiye awazi radiyosi xewiri: amérika aqsaray bayanatchisi jén psaki, rusiyening ukraina chégrasigha esker toplishi we bu heqtiki bayanatliri toghrisida toxtilip: «rusiyege jédelxor bayanatlirigha alaqidar endishilirimizni roshen shekilde yetküzduq» dédi.

aqsarayda ötküzülgen kündilik muxbirlarni kütüwélish yighinida, amérika tashqi ishlar ministiri antoni blinkénning «ukraina mesiliside toqunush yolini tutsa, rusiyege éghir bedellerni töletküzimiz» dégen bayanatidin kéyin rusiyege imbargo yürgüzülüp – yürgüzülmeydighanliqi toghrisidiki bir soalgha jawab bérip, bu jehette hem rusiye hemde ukraina teripi bilen körüshkenliklirige isharet qilghan halda: «biz bashtin tartipla rusiyening ziyanliq heriketlirige qarshi iqtisadiy we bashqa wasitilirimizni ishqa salidighanliqimizni éytip kelduq. ministir blinkénmu bügün bu wasitilerdin paydilinish jehette ikkilinip olturmaydighanliqimizni eskertti. lékin, bu wasitilerni ishqa salidighan bolsaq, shériklirimiz we ittipaqdashlirimiz bilen birlikte heriket qilimiz» dégenlerni qeyt qildi.

rayondiki weziyet toghrisida amérika pirézidénti jo baydin  bilen rusiye pirézidénti wiladimir putinning sözlishish pilanining yoqluqini tilgha alghan psaki: «rusiyege jédelxor bayanatlirigha alaqidar endishilirimizni roshen shekilde yetküzduq» dédi.


خەتكۈچ: #uyghurche , #ukraina , #rusiye , #amérika

مۇناسىۋەتلىك خەۋەرلەر