térrorluq teshkilati balilarni élip qéchishni dawamlashturmaqta
bölgünchi térrorluq teshkilati p k k / y p g süriyening shimalida yene bir balini élip qachti.
türkiye awazi radiyosi xewiri: xewpsizlik menbeliri, p k k / y p g ning süriyening haseke shehirining kebka yézisidin hamid ehmed isimlik 13 yashliq bir balini élip qachqanliqini uqturdi.
p k k / y p g térrorchiliri ötken heptimu amudede 15 yashlardiki üch qizni qachurghanidi.
xewpsizlik menbeliri, térrorluq teshkilati teripidin qachurulghan balilarning süriye hakimiyiti we iranliq qoralliq küchlerning herbiy lagérlirida qoral ishlitishni ögitiwatqanliqini bildürdi.
qachurulghan balilarning bezilirining iraqning qandil we sinjar rayonlirigha ewetilgenliki, yene bezilirining süriyede meshiq qildurulup aldinqi seplerde jenglerge sélinghanliqi qeyt qilindi.
rayon menbeliri, yéqinqi mezgillerdin buyan küchlük naraziliq peyda qilghan balilar taghlargha élip qéchish weqeliri toghrisida toxtilip: «p k k / y p g térrorluq teshkilatining yéqinqi bir – ikki hepte ichide qamishli, amude we heleb sheherliridin toqquz balini élip qachqanliqi, qachurulghan balilarning qorallandurulghanliqi, ulargha idiologiyelik we herbiy telim – terbiye bérilgenliki melum. buningdin bashqa xelqara kishilik hoquq teshkilatlirigha p k k / y p g ning bu qanunsiz qilmishlirining pash qilinishi we uning aldining élinishi üchün heriketke ötüsh chaqiriqi qilindi» dégenlerni qeyt qildi.
