amérikaning b d t diki wekili israiliyening olturaq rayoni siyasitini eyiblidi

türkiye awazi radiyosi xewiri: amérikaning birleshken döletler teshkilati (b d t) da turushluq daimiy wekili linda tomas girinfilid, israiliyening olturaq rayonlirini kéngeytishining muzakire qilinghan «ikki döletlik hel qilish charisini yolgha qoyulush imkaniyitige zerbe béridighan halqiliq nuqtigha yetken»likini otturigha qoydi.

bash elchi tomas grinfilid b d t xewpsizlik kéngishide söz qilip, amérikaning ikki döletlik hel qilish charisini qollash dairiside israiliye, pelestin we iyordaniyede élip barghan ziyaret we ötküzgen uchrishishlirining «ümidwar» idiyelerni otturigha chiqarghanliqini we b d t ning herqaysi terepler ara ishench turghuzush rolini oynaydighanliqini bayan qilip: «men ziyaritim jeryanida pelestinliklerning bixeterlik weziyitining neqeder éghirliqini kördüm. israiliyelik köchmenlerning pelestinliklerge hujum qilghanliqini, iyordan deryasining gherbiy qirghiqidiki öy - mülüklerni bulang – talang qilghanliqini we mal - mülüklerge ziyan yetküzgenlikini anglidim. men bu ehwalni israiliyelik xizmetdashlirim bilen keng kölemde muzakire qildim» dédi.

tomas girinfilid pelestinlik aililerning öy - makanliridin qoghlap chiqirilishidin qorqidighanliqini tilgha élip: «amérika olturaq rayonlarning kéngeytilishini uzun yillardin buyan yolluq dep qarimaywatidu. bu biz üchün héchqandaq yéngiliq emes, emma bu siyaset halqiliq burulush nuqtisigha yétip, ikki döletlik hel qilish charisige zerbe bermekte» dégenlerni qeyt qildi.