stolténbérg: yaltaytish küchimiz we mudapiemizni kücheytishimiz kérek

stolténbérg nato tashqi ishlar ministirliri yighini chaqirilidighan latwiyening paytextidiki riga bixeterlik munbiride «natoning 2030-yiligha ilgirilesh yolidiki haliti» dégen témida nutuq sözlidi.

1740858
stolténbérg: yaltaytish küchimiz we mudapiemizni kücheytishimiz kérek

türkiye awazi radiyosi xewiri: shimaliy atlantik ehdi teshkilati — nato bash katipi yéns stolténbérg, kélechikini mölcherligili bolmaydighan hazirqi dunyada, natoning yaltaytish küchi we mudapie ishlirini kücheytishi kéreklikini otturigha qoydi.

stolténbérg nato tashqi ishlar ministirliri yighini chaqirilidighan latwiyening paytextidiki riga bixeterlik munbiride «natoning 2030-yiligha ilgirilesh yolidiki haliti» dégen témida nutuq sözlidi.

bash katip stolténbérg, kéler yili ispaniyede chaqirilidighan nato bashliqlar yighinida maqullinishni pilanliniwatqan «nato yéngi istratégiyelik chüshenchisi» toghrisida toxtilip, eng axirqi istratégiyelik uqum höjjitining 2010-yili portugaliyening paytexti lisbonda ötküzülgen bashliqlar yighinida maqullanghanliqini, uningdin buyan dunyada nurghun özgirishlerning meydangha kelgenlikini éytti.

«rusiye bilen xitay qaidilerni asas qilidighan xelqara tertipke buzghunchiliq qilmaqta, küch tengpungluqi özgermekte. démokratiye we erkinlik éghir bésimgha duch kelmekte» dégen stolténbérg, yéngi istratégiyelik uqum höjjitining bularni öz ichige alidighanliqigha isharet qilip ötti.

u sözini dawamlashturup, démokratiyeni kücheytish bilen bir waqitta, herbiy küchni kücheytishningmu zörürlükini, eng yéngi istratégiyelik uqum höjjitide, shimaliy atlantik okyanning tinch dep qarilidighanliqining otturigha qoyulghanliqi, emma hazir rusiyening tajawuzchiliq pozitsiyesi bilen xitayning yer sharidiki tesirining künséri küchiyishidek ehwallarning mewjut ikenlikini éytti.

yéns stolténbérg: «mölcherligili bolmaydighan hazirqidek bir dunyada biz choqum yaltaytish küchimiz we mudapiemizni kücheytishimiz kérek» dédi.

natoning shimaliy amérika we yawropaning ittipaqi ikenlikini tekitligen stolténbérg, bu rayonning yer shari xaraktérlik tehditke duch kéliwatqanliqini, shunga uning asiya-tinch okyan rayonidiki shérikliri we yawropa ittipaqi bilen bolghan hemkarliqni kücheytishi kéreklikini otturigha qoydi.


خەتكۈچ: #uyghurche , #nato

مۇناسىۋەتلىك خەۋەرلەر