G7 sehiye ministirliri jiddiy yighin chaqirdi

engliyening teshebbusi bilen jiddiy yighin chaqirghan G7 döletlirining sehiye ministirliri, dunyaning wuxen wirusi (Kovid-19) omikron (Omicron) wariyantining tehditige duch kelgenlikini élan qildi.

1740678
G7 sehiye ministirliri jiddiy yighin chaqirdi

türkiye awazi radiyosi xewiri: engliye, amérika, kanada, firansiye, gérmaniye, italiye we yaponiye qatarliq döletlerning sehiye ministirliri jiddiy yighin chaqirdi we yighindin kéyin ortaq axbarat élan qildi.

bayanatta: «dunya xelqi deslepki tekshürüshte, jiddiy heriket qilishni telep qilidighan wuxen wirusining yéngi, yuqumlinishchanliqi yuqiri bolghan wariyantining tehditige duch keldi» déyildi.

bu sewebtin, ministirlarning omikron wariyantigha munasiwetlik yéngi özgirishlerni muzakire qilish üchün jiddiy yighin chaqirilghanliqi qeyt qilinghan bayanatta, jenubiy afriqaning hem wariyantni bayqash hemde bashqa döletlerni agahlandurush mesilisidiki ülgilik xizmetlirige yuqiri baha bérilgenliki bildürüldi.

bayanatta, dunya sehiye teshkilati dairiside, xelqaraliq patogénni nazaret qilish tori qurush üchün küchlük qollashning barliqi eskertildi we mundaq déyildi:

«ministirlar waksinaning ishlitilishige kapaletlik qilishning istratégiyilik ehmiyitini tonup yetti, meshghulat yardimi bilen teminlidi, iane qilish wedilirini ilgiri sürdi, shundaqla waksinagha munasiwetlik xata uchurlargha qarshi küresh qilishtin bashqa, tetqiq qilip tereqqiy qildurushni qollidi. ministirlar kéyinki heptilerde uchurlarni ortaqlishish we omikronni közitish üchün  dunya sehiye teshkilati we xelqaraliq shérikler bilen dawamliq yéqindin hemkarlishishni xalaydighanliqlirini bildürdi. ministirlar dékabir (2021) da yene bir qétim körüshüshke wede berdi.»

jenubiy afriqa jumhuriyitide 2021-yili 25-noyabir dunya sehiye teshkilati teripidin «omikron» dep nam bérilgen  «B.1.1.529» wariyantining bayqalghanliqi élan qilinghan idi.

dunyada türkiyeni öz ichige alghan nurghun döletler, omikron wariyanti sewebidin jenubiy afriqagha sayahetke barmasliq toghrisida agahlandurush chiqardi.



مۇناسىۋەتلىك خەۋەرلەر