йапонийә чегра тәдбирлирини қайтидин күчәйтти
йапонийә җәнубий африқада пәйда болған вухән вируси (Kovid-19) ниң омикрон варийанти сәвәбидин чегра тәдбирлирини күчәйтти.
түркийә авази радийоси хәвири: кйодо агентлиқиниң хәвиридә көрситилишичә, һөкүмәт африқадики мозамбик, малави вә зимбабве қатарлиқ дөләтләрни «қаттиқ тәдбирләр йолға қойулидиған дөләтләр» тизимликигә киргүзгән.
йуқиридики дөләтләрдин йапонийәгә кәлгән йолучилар, алдин бәлгиләнгән орунларда 10 күн карантин қилинидикән вә карантиндики 3-6- вә 10-күнләрдә п җ р (PCR) тәкшүрүшни қилидуридикән.
йапонийә һөкүмити сәйшәнбә күни (2021-йили 30-нойабир) дин тартип чеграниң барлиқ чәт әлләргә тақилидиғанлиқини елан қилди.
илгири ботсвана, есватини, лесото, намбийә, җәнубий африқа вә зимбабве қатарлиқ дөләтләргә барған йолучиларниң карантин қилинидиғанлиқи уқтурулған иди.
түркийәни өз ичигә алған нурғун дөләтләр, вухән вирусиниң бу варийанти сәвәбидин җәнубий африқаға сайаһәт қилишни чәклиди.
исираилийә омикрон варийанти сәвәбидин мустәсна комиеттиниң тәстиқисиз барлиқ чәт әлликләрниң чеградин киришини тохтатти.
