abdullahyan: iran – türkiye munasiwetlirini köp tereplimilik tereqqiy qildurush qarar qilindi

iran tashqi ishlar ministiri hüseyin emir abdullahyan jumhur reis rejep tayyip erdoghan bilen iran pirézidénti ibrahim reiysining uchrishishida ikki dölet munasiwetlirini köp tereplimilik tereqqiy qildurushning qarar qilinghanliqini bildürdi.

1740054
abdullahyan: iran – türkiye munasiwetlirini köp tereplimilik tereqqiy qildurush qarar qilindi

türkiye awazi radiyosi xewiri: abdullahyan tiwittér hésabidiki bayanatida, türkmenistanda ötküzülgen iqtisadiy hemkarliq teshkilatining 15- nöwetlik bashliqlar yighini dairiside, jumhur reis erdoghan bilen ibrahim reiysi otturisidiki uchrishish heqqide melumat berdi.

abdullahyan türkiye we iran prézidéntlirining uchrishishining intayin dostane we semimiy keypiyatta ötküzülgenlikini tekitlep, «munasiwetlerni köp tereplimilik tereqqiy qildurush qarar qilindi. ikki dölet otturisidiki munasiwetler tarixiy ehmiyetke ige.  ikki rehber hörmetlik erdoghanning téhrangha qilidighan ziyariti jeryanida aliy kéngesh (türkiye-iran yuqiri derijilik hemkarliq kéngishi) yighini chaqirishqa qoshuldi» dédi.

iqtisadiy hemkarliq teshkilatining 15- nöwetlik bashliqlar yighinigha qatnishish üchün türkmenistangha  yétip kelgen jumhur  reis erdoghan we iran pirézidénti ibrahim reiysi yighin dairiside  axbaratqa yépiq halda uchrishish élip barghan idi.



مۇناسىۋەتلىك خەۋەرلەر