dunya sehiye teshkilati omikron wariyantining téz tarqildighanliqining éniq emeslikini bildürdi
dunya sehiye teshkilati wuxen wirusi (Kovid-19)omikron wariyantining téz tarqilidighanliqi we déltani öz ichige alghan wirusning bashqa wariyantlirigha sélishturghanda éghir késelliklerge seweb bolidighanliqigha munasiwetlik éniq ispatning yoqluqini élan qildi.
türkiye awazi radiyosi xewiri: dunya sehiye teshkilatining tünügün (2021-yili 28-noyabir) ki yazma bayanatida, omikron (Omicron) wariyanti peyda bolghan afriqa qitesining jenubidiki döletlerge bérishni chekleshning bashlanghanliqi tenqid qilindi.
bayanatta mundaq déyildi:
«nurghun döletler omikron wariyantigha munasiwetlik endisheler sewebidin jenubiy afriqa döletlirige ayropilan seperlirini toxtatqan bir peytte, dunya sehiye teshkilati döletlerni bilimge we xelqaraliq sehiye belgilimirige hörmet qilishqa dewet qilidu.»
dunya sehiye teshkilati sayahet cheklimilirining afriqa döletliride iqtisadiy turmush we teminlesh zenjirlirige selbiy tesir körsitish mumkinliki sewebidin chégralarning taqalmasliqini chaqiriq qildi.
bayanatta, omikronning délta wariyantini öz ichige alghan bashqa wariyantlargha sélishturghanda, téximu tarqilshichan yaki emesliki, ademdin ademge asan yuqup-yuqmaydighanliqining éniq emesliki eskertilish bilen birge, jenubiy afriqadiki döletlerde wirus bilen yuqumlinish sanida éshish körülgenliki alahide tekitlendi.
bayanatta, bu ehwalning «omikron wariyanti sewebidinmu yaki bashqa sewebtinmu» buni bilish üchün tekshürüshlerning dawamlishiwatqanliqi qeyt qilindi.
dunya sehiye teshkilati omikron wariyantini bashqa wariyantlargha sélishturghanda, éghir késelliklerge seweb bolidighan yaki bolmaydighanliqining téxi éniq emeslikini eskertti.
