biuntich shirkiti 6 hepte ichide waksinida zörür bolghan özgertishlerni élip baralaydu
gérmaniye biotéxnika shirkiti biuntich kowid-19 ning yéngi wariyanti omikronni tekshürüsh jeryanining dawam qiliwatqanliqini, zörür tépilghanda maslashturulghan bir waksina ishlepchiqirish üstide xizmet qiliwatqanliqini élan qildi.
türkiye awazi radiyosi xewiri: biuntich shirkiti teripidin élan qilinghan bayanatta, omikron wariyantini tekshürüsh üchün tejribixana sinaqlirini dawamlashturiwatqanliqi, zörür tépilghanda maslashturulghan bir waksina ishlepchiqirish üstide xizmet qiliwatqanliqi uqturuldi.
shirket 26- öktebirdiki bayanatida, jenubiy afriqa jumhuriyiti we botswanada körülgen kowid-19 ning yéngi wariyanti omikron üstide tetqiqatning bashlanghanliqini hemde hazirqi waksinada yéngi tengshesh élip bérilishni telep qilinidighan yaki qilmaydighanliqini éniqlash üchün 2 hepte ichide tejribixana sanliq melumatlirining kélishini saqlawatqanliqini bildürgen idi.
bayanatta bu sanliq melumatlarning mRNA waksinisida «qéchish shekli» bolidighan yaki bolmaydighanliqi toghrisida téximu köp melumat bilen teminleydighanliqi, Pfizer we BioNTech shirkitining 6 hepte ichide waksinida zörür bolghan özgertishlerni élip bérish we 100 kün ichide tunji zakazlarni yetküzüsh iqtidari barliqi eskertilgen idi.
