بىئۇنتىچ شىركىتى 6 ھەپتە ئىچىدە ۋاكسىنىدا زۆرۈر بولغان ئۆزگەرتىشلەرنى ئېلىپ بارالايدۇ
گېرمانىيە بىئوتېخنىكا شىركىتى بىئۇنتىچ كوۋىد-19 نىڭ يېڭى ۋارىيانتى ئومىكروننى تەكشۈرۈش جەريانىنىڭ داۋام قىلىۋاتقانلىقىنى، زۆرۈر تېپىلغاندا ماسلاشتۇرۇلغان بىر ۋاكسىنا ئىشلەپچىقىرىش ئۈستىدە خىزمەت قىلىۋاتقانلىقىنى ئېلان قىلدى.
تۈركىيە ئاۋازى رادىيوسى خەۋىرى: بىئۇنتىچ شىركىتى تەرىپىدىن ئېلان قىلىنغان باياناتتا، ئومىكرون ۋارىيانتىنى تەكشۈرۈش ئۈچۈن تەجرىبىخانا سىناقلىرىنى داۋاملاشتۇرىۋاتقانلىقى، زۆرۈر تېپىلغاندا ماسلاشتۇرۇلغان بىر ۋاكسىنا ئىشلەپچىقىرىش ئۈستىدە خىزمەت قىلىۋاتقانلىقى ئۇقتۇرۇلدى.
شىركەت 26- ئۆكتەبىردىكى باياناتىدا، جەنۇبىي ئافرىقا جۇمھۇرىيىتى ۋە بوتسۋانادا كۆرۈلگەن كوۋىد-19 نىڭ يېڭى ۋارىيانتى ئومىكرون ئۈستىدە تەتقىقاتنىڭ باشلانغانلىقىنى ھەمدە ھازىرقى ۋاكسىنادا يېڭى تەڭشەش ئېلىپ بېرىلىشنى تەلەپ قىلىنىدىغان ياكى قىلمايدىغانلىقىنى ئېنىقلاش ئۈچۈن 2 ھەپتە ئىچىدە تەجرىبىخانا سانلىق مەلۇماتلىرىنىڭ كېلىشىنى ساقلاۋاتقانلىقىنى بىلدۈرگەن ئىدى.
باياناتتا بۇ سانلىق مەلۇماتلارنىڭ mRNA ۋاكسىنىسىدا «قېچىش شەكلى» بولىدىغان ياكى بولمايدىغانلىقى توغرىسىدا تېخىمۇ كۆپ مەلۇمات بىلەن تەمىنلەيدىغانلىقى، Pfizer ۋە BioNTech شىركىتىنىڭ 6 ھەپتە ئىچىدە ۋاكسىنىدا زۆرۈر بولغان ئۆزگەرتىشلەرنى ئېلىپ بېرىش ۋە 100 كۈن ئىچىدە تۇنجى زاكازلارنى يەتكۈزۈش ئىقتىدارى بارلىقى ئەسكەرتىلگەن ئىدى.
مۇناسىۋەتلىك خەۋەرلەر
رۇسىيەدە بومباردىمانچى ئايروپىلان چۈشۈپ كەتتى
رۇسىيەنىڭ ستاۋروپول رايونىدا بومباردىمانچى ئايروپىلان چۈشۈپ كەتتى.