dunya musulman ölimalar birliki bir qisim ereb döletlirini qattiq eyiblidi
dunya musulman ölimalar birliki bir qisim ereb döletlirining israiliye bilen bolghan munasiwetlerni normallashturush üchün tashlighan ittipaq qedemlirini qattiq eyibleydighanliqini élan qildi.
türkiye awazi radiyosi xewiri: bash katip eli qaradaghining imzasi bilen dunya musulman ölimalar birliki teripidin élan qilinghan yazma bayanatta, bir qisim ereb döletlirining israiliye bilen tashlighan «ittipaqliq we emeliy qedemler» qattiq eyiblinip, diniy jehettin «haram» dep baha bérildi.
bayanatta, «dunya musulman ölimalar birliki bolush süpitimiz bilen, ereb birleshme xelipiliki we marakesh qatarliq bir qisim döletlerning ishghaliyetchi zionistlar bilen bolghan ittipaqdashliqini eyibleymiz. bu heriket diniy jehettin haram bolup, hezriti ömerning amannamisigha we pelestin xelqining heq - hoquqigha qilinghan xiyanettur » déyildi.
israiliye bilen ereb birleshme xelipiliki we behreyin otturisida 2020-yili 15-séntebir aqsarayda ötküzülgen murasimda munasiwetlerni normallashturush kélishimi imzalanghan idi.
xartum hökümitimu eyni waqittiki amérika pirézidénti donald trampning sudanni «térorluqni qollaydighan döletler» tizimlikidin chiqiriwétishi bedilige, 2020-yili 23-öktebirde israiliye bilen bolghan munasiwetni normallashturush qarari maqullighan idi.
sudandin kéyin, marakeshmu 2020-yili 10-dikabirda israiliye bilen bolghan munasiwetlerni normallashturush toghrisida kélishim hasil qilghan idi.
مۇناسىۋەتلىك خەۋەرلەر
pelestinning yéngi kabénti testiqlandi
pelestinning yéngi bash ministiri muhemmed mustafa kabéntini dölet reisi mehmut abbasqa sundi.