xelqara saqchi teshkilatining omumiy kéngesh yighini axirlashti

xelqara saqchi teshkilati-intérpol (Interpol) ning yéngi bashliqi, muawin bashliqi we wekilliri belgilinidighan 89-nöwetlik omumiy kéngesh yighini axirlashti.

1739081
xelqara saqchi teshkilatining omumiy kéngesh yighini axirlashti

türkiye awazi radiyosi xewiri: türkiye bash saqchi idarisining mudiri mehmet aktash üch künlük yighindin kéyin söz qilip, wezipisini ötküzüp bergen xelqara saqchi teshkilatining aldinqi nöwetlik bashliqi kim jongyang we wekillerge teshekkür éytip: «xelqara saqchi teshkilatining yéngi saylanghan bashliqi ereb birleshme xelipilikidin ehmet nasir alraysini, ijraiye komitétining ezalirini tebrikleymen we ulargha muweppeqiyet tileymen» dédi.

u xelqara saqchi teshkilatining yawropa qitesidiki wekillikige saylanghan, türkiye bash saqchi idarisi intérpol bashqarmisining bashliqi selchuk sewgelge xizmitide muweppeqiyet tilep, omumiy kéngeshte élinghan her bir qararning, dunyaning téximu bixeter jay bolushigha hesse qoshidighanliqigha ishinidighanliqini qeyt qildi.

xelqara saqchi teshkilatining aldinqi nöwetlik bashliqi kim jongyang özlirini qizghin kütüwalghan we yighingha sahibxanliq qilghan türkiye mesullirigha teshekkür éytip: «istanbulda bu omumiy kéngesh yighinigha axirqi qétim riyasetchilik qilghanliqimdin özemni shereplik hés qilimen» dédi.

mehmet aktash xelqara saqchi teshkilatining kichik lewhe bayriqini kéyinki nöwetlik omumiy kéngesh ötküzülidighan hindistanning merkiziy tekshürüsh biyurosi diréktori subodih jawiswalgha tapshurdi.



مۇناسىۋەتلىك خەۋەرلەر