xitay amérika herbiy paraxotining teywen boghuzidin ötkenlikige naraziliq bildürdi

xitay amérikaning bashqurulidighan bomba orunlashturulghan herbiy paraxotining teywen bilen igilik hoquq ixtilapi bar teywen boghuzidin ötkenlikige naraziliq bildürdi.

1737917
xitay amérika herbiy paraxotining teywen boghuzidin ötkenlikige naraziliq bildürdi

türkiye awazi radiyosi xewiri: xitay tashqi ishlar ministirliqi bayanatchisi jaw lijyen bayanat élan qilip, amérika paraxotlirining heriket erkinlikini bahane qilip küch körsitiwatqanliqini we rayonda jiddiychilik peyda qilishqa urunuwatqanliqini ilgiri sürdi.

u amérika paraxotining herikiti toghrisida toxtilip: «bu erkinlik we ochuq bolush pirinsipigha emel qilish emes, belki qestenlik bilen rayonning tinchliqi we muqimliqini buzushqa urunushtur» dédi.

amérika déngiz armiyesi 7-filotining bayanatida, «arléy burk derijilik bashqurulidighan bomba orunlashturulghan <USS Milius>  namliq paraxot 23-noyabir xelqara qanungha asasen teywen boghuzidiki xelqaraliq déngiz tewelikide daimliq charlash meshghulati qildi» déyildi.

paraxotning teywen boghuzidin ötüshining, amérikaning erkin we ochuq hindi-ténch okyan pirinsipigha emel qilidighanliqini körsitip béridighanliqi eskertilgen bayanatta yene mundaq déyldi: «amérika qoralliq qisimliri xelqara qanun yol qoyghan jaylarda dawamliq uchidu, yelken achidu we heriket qilidu»

 teywen we teywen boghuzini özining igilik hoquqi dep qaraydighan xitay, amérikaning bu rayondiki herbiy mewjutluqigha qarshi chiqmaqta.

amérika déngiz armiyesining rayondiki charlash we razwétka paaliyetliri ikki dölet otturisidiki ziddiyetning ötkürlishishige seweb bolmaqta.


خەتكۈچ: #amérika , #xitay

مۇناسىۋەتلىك خەۋەرلەر