йавропа иттипақи сайаһәт бәлгилимиригә өзгәртиш киргүзүшни ойлашмақта
йавропа иттипақи йеқинқи мәзгилләрдә барғансери көпийиватқан вухән вируси (Kovid-19) вәқәлири сәвәбидин әза дөләтләр йолға қойған охшимиған тәдбирләрни маслаштурушқа вә сайаһәтләргә мунасивәтлик бәлгилимиләргә өзгәртиш киргүзүшкә тәййарлиқ қилмақта.
түркийә авази радийоси хәвири: йавропа парламенти омумий кеңиши стразбургда топлинип, йавропа иттипақида вухән вирусиға мунасивәтлик вәқәлириниң көпийиши вә әза дөләтләрниң охшимиған сәвийәләрдә чиңитқан тәдбирләрни өзара маслаштурушни музакирә қилди.
йавропа иттипақи комитетиниң сәһийә ишлириға мәсул әзаси стелла кйрийакидес (Kyriakides): «бу мәсилидә бөлүнүшниң алдини елишимиз лазим» деди.
йавропа иттипақиниң ваба мәзгилидә сайаһәтләрни асанлиқ йаритиш үчүн тәййарлиған «диҗитал ковид кенишкиси» бәлгилимиси, 2021-йили 1-ийул иҗра қилинишқа башланған иди. йавропа иттипақи түркийәниң ваксина кенишкисини 19-авғуст (2021) етирап қилған иди.
икки шишә бийонтек-файзер, модерна, астразенека, җонсон вә җонсон ваксиналирини әмләткән вә әмләткинигә икки һәптә болған кишиләргә кенишкә берилиду.
йавропа иттипақи дөләтлири йеқинқи мәзгилләрдә барғансери көпийиватқан вухән вирусиға мунасивәтлик вәқәләр сәвәбидин чәклимиләрни чиңитишқа башлиди.
сайаһәтләргә чәклимә қойуш тәклипләр арисида йоқ, әмма бәзи дөләтләрдики сиртқа чиқишни чәкләш қарарлири вә вабаниң көпийишиниң сайаһәтләргә тәсир көрситидиғанлиқи қәйт қилинмақта.
