taliban ayallarning téléwizorgha chiqishini cheklidi
afghanistan taliban hökümiti ayallarning téléwizorlargha chiqishi toghrisda bezi cheklimilerni yolgha qoydi.
türkiye awazi radiyosi xewiri: taliban yaxshiliqqa dewet, yamanliqtin saqlash ministirliqi ayalaarning téléwizorlargha chiqishini chekleydighan bezi cheklimilerning yolgha qoyulghanliqi toghrisida bayanat élan qildi.
bayanatta, dölettiki barliq téléwiziye qanallirigha riaye qilinishi kérek bolghan yéngi belgilimilerning ewetilgenliki bildürüldi.
bayanatta, téléwiziye qanallirida ayal riyasetchilerning hijablinishqa riaye qilishining telep qilinghanliqi qeyt qilindi.
bayanatta yene, yéngi belgilimilerge riaye qilish kérekliki, ayal artislar rol alghan qisimliq téléwiziye tiyatirliri we tiyatir nomurliri, islamiy dölet we afghanistan qanunlirigha xilap her qandaq filim hemde qisimliq filimlarning qoyulmasliqi telep qilindi.
peyghemberler we sahabilerning roli élinghan dramma we qisimliq filimlarni qoyushning cheklengenliki eskertilgen bayanatta, afghanistanda bezi téléwiziye qanallirining hazirghiche islam döletliri we afghanistan enenilirige xilap pirogrammilarni qoyuwatqanliqi ilgiri sürüldi.
