yemende xusiylargha tewe 13 herbiy nuqta bitchit qilindi
yemende hökümetni qollawatqan seudi erebistan bashchiliqidiki birleshme qisimlar iranning qollishi astidiki xusiylargha tewe 13 herbiy nuqtini bitchit qilghanliqini élan qildi.
1736559
türkiye awazi radiyosi xewiri: seudi erebistan resmiy xewer agéntliqi «SPA» ning xewer qilishiche, ereb birleshme qisimlirining yazma bayanatida, xusiylarning kontrolluqidiki sana, sada we maribtiki bir qisim herbiy nuqtilarning muhim bir herbiy heriket arqiliq bitchit qilinghanliqi bildürülgen.
bayanatta, mezkur nishanlargha 13 qétim hawa hujumi élip bérilghanliqi, nishanlar ichide iran qollawatqan xusiylargha tewe qoral ambiri, hawa mudapie sistémisi we uchquchisiz ayropilan kontrol merkizi qatarliq nuqtilarning weyran qilinghanliqi bildürülgen.
xusiylar bu heqte téxiche héchqandaq bayanat élan qilmidi.
