ваба мәзгилидә балиларда семизлик нисбити ашқан

әнглийә вә америкада қилинған тәтқиқатларға асасланғанда, балилардики семизликниң көпийишидә, вухән вируси (Kovid-19) мәзгилидә һәрикәт қилмаслиқ вә начар озуқлиниш асаслиқ амиллар болған.

1735580
ваба мәзгилидә балиларда семизлик нисбити ашқан

түркийә авази радийоси хәвири: әнглийә дөләтлик сәһийә хизмәтлири санлиқ мәлуматларни тәтқиқ қилип, 2019-2020-йиллирида %10 болған балилардики семизлик нисбитиниң, 2020-2021-йиллири %14 чиққанлиқини вә бу нисбәтниң кәмбәғәл қатламда икки һәссә йуқири икәнликини байқиған.

америка кесәлликләрни контрол қилиш вә алдини елиш мәркизиму тәтқиқатида охшаш нәтиҗиләргә еришкән.

тәхминән 435 миң балиниң мәлуматлири тәкшүрүлгән тәтқиқатта, балиларда бәдән еғирлиқи индексиниң икки һәссә ашқанлиқи оттуриға чиққан.

вабадин бурун %19 болған балилардики семизлик нисбити, ваба мәзгилидә %22 кә өрлигән.

мутәхәссисләрниң билдүрүшичә, семизликниң ешишиға сәвәблиридин бири, ваба мәзгилидә йолға қойулған сиртқа чиқмаслиқ чәклимилири икән.

бу мәзгилдә балилар һәрикәт қилмиған, компйутер, таблет вә телевизор көрүш нисбити ашқан. ушшақ-чүшшәк йемикликләрни истемал қилишму семизликниң ешишиға сәвәб болған.



مۇناسىۋەتلىك خەۋەرلەر