polsha chégra qoghdash qisimliri bilen musapirlar otturisida sürkilish yüz berdi

polsha-bélarusiye chégrasida musapirlar kirizisi dawamlishiwatqan bir waqitta, polsha chégra qoghdash qisimliri musapirlargha yuqiri bésimliq su chéchip we yash aqquzush bombisi étip, musapirlarni tarqitiwetmekchi boldi.

1735534
polsha chégra qoghdash qisimliri bilen musapirlar otturisida sürkilish yüz berdi

türkiye awazi radiyosi xewiri: polsha dölet mudapie ministirliqi kuznika chégra éghizida xewpsizlik tarmaqliri bilen musapirlar otturisida yüz bergen sürkilishlerge munasiwetlik widéolarni hembehirlidi.

ministirliqning bayanatida: «musapirlarning kuznika chégra éghizigha qilghan hujumi chékindürüldi. hujumchilar asasen dégüdek yash erler idi» déyildi.

polsha dölet mudapie ministirliqi yene, hujumlarning bélarusiye küchlirining «kontrolluqi astida» yüz bergenlikini ilgiri sürdi. widéolarda musapirlarning polsha xewpsizlik qisimlirigha tash atqanliqi, xewpsizlik qisimlirining ammiwi weqelerni bir terep qilishta ishlitilidighan wastilerdin paydilanghanliqi körülidu.

polsha dölet mudapie ministiri mariyusz blaszzak (Mariusz Blaszczak) mezkur hujumlarning, bélarusiye pilanlighan tetür teshwiqat herikiti ikenlikini bildürüp: «herbiy qisimlirimizgha bügünki hujumni chékindürgenliki üchün teshekkür éytimen. polsha ularning sayisida bixeter turuwatidu. chégrada wezipe ötewatqan barliq eskerler mukapatlinidu. biz ulargha minnetdar. bélarusiye hakimiyiti pilanlighan tetür teshwiqat herikitige duch kéliwatimiz. bu ehwalgha qarita diqqet qilishinglarni tewsiye qilimen. éghir mesuliyet astidiki eskerlirimizni teng qollayli» dédi.

yawropa komitéti bashliqi ursula fondérléyén twittér adrésida uchur hembehirlep, litwaniye pirézidénti gitanas nawséda (Gitanas Nauseda) we litwaniye bash ministiri ingrida simonité (İngrida Simonyte) bilen polsha-bélarusiye musapirlar kirizisini muzakire qilghanliqini bildürdi.

u: «émbargolar we bésilidighan kéyinki qedemler üchün mewjut ehwalni muzakire qilduq. yawropa ittipaqi chégra bashqurush mesiliside qoshumche yardem qildi. .eza döletlerni qollaymiz» dédi.



مۇناسىۋەتلىك خەۋەرلەر