antoni blinkén bügün afriqa ziyaritini bashlaydu
amérika tashqi ishlar ministiri antoni blinkén bügün (2021-yili 15-noyabir) bashlinidighan afriqa ziyaritide kéniye, nigériye we sénégalni ziyaret qilip, amérikaning afriqa siyasitige munasiwetlik yéngi hemkarliq imkaniyetlirini közdin kechüridu.
türkiye awazi radiyosi xewiri: amérika tashqi ishlar ministirlqi ministir blinkénning afriqa ziyaritining bügün bashlinidighanliqi toghrisida bayanat élan qildi.
bayanatta qeyt qilinishiche, ministir blinkén 15-20-noyabir künliri arisida emelge ashuridighan afriqa ziyaritining birinchi békiti bolghan kéniyede pirézidént uxuru kényatta (Uhuru Kenyatta) bilen körüshidiken. körüshüshte, amérika-kéniye munasiwetliridin bashqa, kéniyediki wuxen wirusi (Kovid-19) gha qarshi turush mesililirimu muzakire qilinidiken.
u kéniye ziyaritidin kéyin, nigér bilen sénégalni ziyaret qilip, abujada nigér pirézidénti muhemmed buxari bilen, dakarda pirézidént maki sal (Macky Sall) bilen körüshidiken.
blinkénning afriqa ziyaritide, amérika-afriqa munasiwetliride yéngi hemkarliq imkaniyetliri we amérikaning mezkur döletlerning wuxen wirusigha qarshi kürishige yardem qilish mesilisi muzakire qilinidiken.
