антони блинкен бүгүн африқа зийаритини башлайду
америка ташқи ишлар министири антони блинкен бүгүн (2021-йили 15-нойабир) башлинидиған африқа зийаритидә кенийә, нигерийә вә сенегални зийарәт қилип, американиң африқа сийаситигә мунасивәтлик йеңи һәмкарлиқ имканийәтлирини көздин кәчүриду.
түркийә авази радийоси хәвири: америка ташқи ишлар министирлқи министир блинкенниң африқа зийаритиниң бүгүн башлинидиғанлиқи тоғрисида байанат елан қилди.
байанатта қәйт қилинишичә, министир блинкен 15-20-нойабир күнлири арисида әмәлгә ашуридиған африқа зийаритиниң биринчи бекити болған кенийәдә пирезидент ухуру кенйатта (Uhuru Kenyatta) билән көрүшидикән. көрүшүштә, америка-кенийә мунасивәтлиридин башқа, кенийәдики вухән вируси (Kovid-19) ға қарши туруш мәсилилириму музакирә қилинидикән.
у кенийә зийаритидин кейин, нигер билән сенегални зийарәт қилип, абуҗада нигер пирезиденти муһәммәд бухари билән, дакарда пирезидент маки сал (Macky Sall) билән көрүшидикән.
блинкенниң африқа зийаритидә, америка-африқа мунасивәтлиридә йеңи һәмкарлиқ имканийәтлири вә американиң мәзкур дөләтләрниң вухән вирусиға қарши күришигә йардәм қилиш мәсилиси музакирә қилинидикән.