liwérpul ayallar doxturxanisida partlash yüz berdi

türkiye awazi radiyosi xewiri: liwérpul saqchi idarisi liwérpul shehiridiki ayallar doxturxanisining aldida yüz bergen partlash toghrisida bayanat élan qildi.

bayanatta, shu yer waqti 10din 59 minut ötkende ayallar doxturxanisining aldida toxtitilghan bir aptomobilda partlash yüz bérip, bir kishining jénidin ayrilghanliqi we bir kishining yarilanghanliqi bildürüldi.

bayanatta, weqening «térrorluq hujumi» emesliki, emma weqege munasiwetlik tekshürüshning térrorluqqa qarshi turush xadimliri teripidin qiliniwatqanliqi eskertildi.

engliye ichki ishlar weziri priti patél (Priti Patel) twittétrda bayanat élan qilip, özige liwérpul ayallar doxturxanisida yüz bergen weqe toghrisida waqti-waqtida melumat yetküzülüwatqanliqini bildürdi.

u: «saqchilar we munasiwetlik xadimlar qandaq weqe ikenlikini éniqlash üchün jiddiy xizmet qilmaqta» dédi.

weqege munasiwetlik widéolarda, aptomobilning köyüwatqanliqi we is-tumanning binani qaplighanliqi körünidu.

hazirche weqege munasiwetlik resmiy bayanat élan qilinmidi.