rusiye: amérika aldimizdiki aylarda onlarche rus diplomatni chégradin qoghlap chiqiridu

türkiye awazi radiyosi xewiri: rusiye tashqi ishlar ministirliqi bayanatchisi mariya zaxarowa, amérika kelgüsi bir nechche ay ichide yene 55 rus diplomat we memuriy xadimdin chégradin chiqip kétishni telep qilidighanliqini, diplomatiye sépidiki weziyetning téximu yamanliship kétidighanliqini bildürdi.

zaxarowa, washington hökümitining rusiyening amérikadiki diplomatlirigha tutuwatqan pozitsiyesi heqqide yazma bayanat élan qilip, amérikaning rusiyediki diplomatik orunlirida 130 kishining ishleydighanliqini eskertti.

zaxarowa, rusiyening washingtondiki elchixanisida, nyu-yorktiki ikki konsulxanisi we xustondiki diplomatik orunlirida 200 ge yetmeydighan kishining ishleydighanliqini tekitlep: «washingtondiki 55 diplomat we memuriy xadimning kelgüsi bir nechche ay ichide amérikadin chiqip kétishini telep qilidighanliqi toghrisidiki qarashlar nezerge élinghinida — melumki bu chégradin qoghlap chiqirish dégenlik bolidu, — diplomatiye sépidiki weziyet téximu yamanliship kétidu» dédi.

zaxarowa, amérikaning rusiyening diplomatik orunlirida ishleydighanlargha qaratqan her xil düshmenlerche poztiyesige téz, muwapiq, emma simmétrik bolmighan usulda jawab qayturulidighanliqini tekitlidi.

axirqi qétim 8-ayning 2-küni, amérika rus elchixanisida ishlewatqan 24 diplomatni chégradin qoghlap chiqirishni qarar qilghanidi.

ikki dölet otturisidiki bu yil boyi dawamlashqan özara diplomatlarni chégradin qoghlap chiqirish seweblik 1 – awghusttin buyan amérikaning moskwadiki elchixanisidiki xizmetchi sani yéqinqi besh yilning eng töwen chékige chüshüp qaldi.