mérkél köchmenler mesiliside türkiyeni qollashning zörürlükini otturigha qoydi

türkiye awazi radiyosi xewiri: girétsiye bash ministiri kiryakos michotakisning teklipige binaen paytext atina (afina)da ziyarette bolghan gérmaniye bash ministiri angéla mérkél, uchrishishliridin kéyin ötküzülgen qoshma muxbirlarni kütüwélish yighinida köchmenler mesilisi toghrisida toxtaldi.

u, eger türkiye bilen yawropa mesililerni qaidige emel qilish arqiliq hel qilghan teqdirde, hem özlirining orunlirini hemde yershariwi menide iqtisadiy jehettin küchiyidighanliqini qeyt qildi.

mérkél, 2015- yili bashlanghan zor köchmenler mesilisige duch kelgenliklirini eskertip: «yawropa ittipaqi- türkiye kélishimi bizge, özarimizda hemkarliq ornitishqa tirishishimiz kéreklikini we bu alahide ehwalda türkiye bilen hemkarlishishimiz kéreklikini körsitip béridighan bir ülge boldi» dédi.

yawropa ittipaqining, yawropagha keltürüshning ornigha musapirlarni öz döletlirige yéqin rayonlarda kütüwélish yolini tallighanliqini tilgha élip, yawropa ittipaqi bilen türkiyening köchmenler mesilisi toghrisida imzalighan kélishimning mushu pikirni asas qilghanliqini, buning hem türkiye hem yawropa ittipaqi üchün paydiliq ikenlikini éytti.

mérkél bu jehette türkiyeni qollash kéreklikini tekitlep, türkiyening afghanistangha munasiwetlik endishisinimu chüshidighanliqini eskertti we sözini dawamlashturup: «biz adem etkeschiliki we qanunsiz köchmenlerning meblegh bilen teminlinishini qandaq xalimisaq, türkiyeningmu shundaq qilish hoquqi bar» dégenlerni qeyt qildi.