хатибзадә: иранға йүргүзүлгән җаза ақсарайниң зиддийәтлик позитсийәсиниң ипадиси
иран ташқи ишлар министирлиқи байанатчиси сәид хатибзадә, американиң иран ширкәтлири вә шәхслиригә йүргүзгән йеңи җазасиниң «ақсарайниң зиддийәтлик позитсийәсиниң ипадиси» икәнликини оттуриға қойди.
түркийә авази радийоси хәвири: хатибзадә иран ташқи ишлар министирлиқиниң тор бетидә йазма байанат елан қилип, америка һөкүмитиниң иран ислам инқилаби муһапизәтчиләр қисимлириниң учқучисиз һава аппарати пирограммилири билән қуддус қисимлирини қоллайдиған 4 киши вә 2 ширкәткә җаза йүргүзүшини әйиблиди.
бу қәдәмләрниң американиң сабиқ пирезиденти доналд трампниң «мәғлубийәткә учриған әң йуқири дәриҗидә бесим ишлитиш сийаситиниң давами икәнликини вә мәқситигә йетәлмәйдиғанлиқи»ни оттуриға қойған хатибзадә: «йеңи җаза ақсарайниң зиддийәтлик позитсийәсиниң ипадиси. җазаға қайтишни халайдиған вә тирампниң усуллирини давамлаштуруватқан бир һөкүмәт адәмгә ишәнчсизлик учури бериду» деди.
америка малийә министирлиқи байанат елан қилип, иранниң учқучисиз һава аппарати пирограммисиға четишлиқ 4 адәм вә 2 ширкәтниң чәт әл мәблиғини контрол қилиш ишханиси җаза тизимликигә киргүзүлгәнликини уқтурғаниди.
