20 guruhi bashliqlar yighini italiyening paytexti rimda bashlandi
dunyaning aldinqi qatardiki 20 chong iqtisadiy küchining rehberliri bilen xelqara teshkilatlarning wekillirini bir yerge jem qilidighan 20 dölet guruhi bashliqlar yighini italiyening paytexti rimda bashlandi.
türkiye awazi radiyosi xewiri: 20 dölet guruhining nöwetchi reisi italiyening nowola qurultay merkizide uyushturghan bashliqlar yighinining échilishi sahibxan bash ministir mariyo diragining méhmanlirini qarshi élishi bilen bashlandi.
diragi türkiye jumhur reisi rejep tayyip erdoghan qatarliq méhmanlarni ishik aldida birmu - bir kütüwaldi, arqidin méhmanliri bilen birlikte aile foto – süriti tartildi.
bashliqlar yighinining birinchi künide «yer shari iqtisadi we yer shari saghlamliqi» témisini chöridep muzakire élip bérilidu.
yighinda, yuqum mezgilide iqtisadning eslige kélishi, waksina emlesh paaliyiti we yuqum mezgilidiki salametlikke munasiwetlik gewdilik tereqqiyatlar muzakire qilinidu.
jumhur reis erdoghan «téximu yaxshi eslige kélish üchün kichik tiptiki karxanilar bilen ayallar igidarchiliqidiki karxanilarni qollash» témiliq yighini we chüshlük ziyapetke ishtirak qilidu.
erdoghan rehberler bilen ayrim uchrishishlarni ötküzidu, italiye bash ministiri mariyo diragi sahibxanliqidiki medeniyet paaliyitige, hemde italiye pirézidénti sérgiyo mattaréllaning wekiller ömekliri bashliqlirigha béridighan kechlik ziyapetkimu qatnishidu.
مۇناسىۋەتلىك خەۋەرلەر
rusiyede bombardimanchi ayropilan chüshüp ketti
rusiyening stawropol rayonida bombardimanchi ayropilan chüshüp ketti.