amérika afghanistanliqlargha yardem qilidu

türkiye awazi radiyosi xewiri: amérikaning afghanistangha texminen 144 milyon dollar qoshumche insanperwerlik yardimi qilidighanliqini élan qildi.

amérika tashqi ishlar ministiri antoni blinkén yazma bayanat élan qilip, afghanistanda dawamlishiwatqan insaniy kirizisning tesirige uchrighanlargha texminen 144 milyon dollar qoshumche insanperwerlik yardimi qilidighanliqlirini؛ buning bilen, amérikaning mushu yil (2021) ichide afghanistan we rayondiki afghanistanliq musapirlar üchün qilghan jemiy yardemning 474 milyon dollargha yétidighanliqini qeyt qildi.

u qoshumche yardemlerning keng dairilik tekshürüsh we közitishtin kéyin, b d t t musapirlar aliy komissarliqi, b d t balilar fondi, b d t xelqara köch teshkilati, dunya sehiye teshkilati qatarliq teshkilatlar hemde bashqa xelqaraliq teshkilatlar we ijtimaiy teshkilatlargha biwaste qilinidighanliqini eskertti.

u yardemlerning qoshna döletlerdiki afghanistanliq musapirlarni öz ichige alghan rayondiki éhtiyajliq 18 milyondin köp kishining bezilirige biwaste qilinidighanliqini bildürüp, mezkur yardemler bilen, shériklirining qoghdash, yémek-ichmek bixeterliki we yardimi, sehiye xizmetliri, qishliq yardemlerni qilidighanliqini qeyt qildi.

u afghanistangha qoshna bolghan we afghanistanliq musapirlargha sahibxanliq qilghan döletlerge qaritip: <<xelqaradin qoghdashni telep qilghan afghanistanliqlargha chégraliringlarni échinglar>> dep chaqiriq qildi.