sudandiki herbiy özgirishtin kéyin xartum xelqara ayrodorumi taqaldi

türkiye awazi radiyosi xewiri: sudan xelq awiatsiye idarisining bayanatida, ayrodorumning 26-öktebirdin 30-öktebirgiche nöwetchi ayropilanlargha taqiwétilgenliki bildürüldi.  

türkiye awiatsiye shirkitimu sudanning paytexti xartumgha uchidighan bügün we ete (ikki künlük) nöwetchi ayropilanlirining uchushini emeldin qaldurdi.

sudanda 25- öktebir etigende bash ministir abdullah hemduk we nurghun siyasionlar qolgha élinghan idi.

puqralar qanitigha qilinghan bu herbiy mudaxilidin kéyin, hökümetning puqralar qaniti we nurghun siyasiy partiyeler xelqni kochilargha chiqip naraziliq bildürüshke chaqiriq qilghan idi.

chaqiriqtin kéyin, paytext xartumning oxshimighan jaylirigha toplanghan minglighan sudan xelqi herbiy mudaxilige qarshi namayish qilishqa bashlighan idi.

général abdulfettah el burhan jiddiy halet élan qilghanliqini, igilik hoquq kéngishi we kabinétning tarqitiwétilgenlikini, sudanning barliq pirqiliri wekillik qilidighan téxnikiliq hökümet qurulidighanliqini jakarlighan idi.