G20 dölet guruhi yighini rimda yüz turane échilidu
G20 dölet guruhi bashliqlar yighini italiye paytexti rimda yüz turane échilidu. bu wuxen wirusi mezgilide yüz turane échilghan tunji G20 yighini bolup hésablinidu.
türkiye awazi radiyosi xewiri: G20 dölet guruhining nöwetchi reislikini 2020-yili 1-dékabir seudi erebistandin ötküzüwalghan italiye, 2021-yili boyiche üstige alghan nöwetchi reislikini, 30-31-öktebir rimda chaqirilidighan G20 aliy rehberler yighini bilen axirlashturidu.
yighinda, rehberlerning köp qutupluq, barawerlik we sehiye xizmetliridin behriman bolushni kapaletke ige qilish, kelgüsidiki zerbilerge taqabil turushni kücheytish we omumiy parawanliqni qollash, shundaqla wabagha qarshi téz inkas qayturushqa kapaletlik qilishqa diqqitini merkezleshtürüshi we yéngi wedilerni bérishi kütülmekte.
italiye yighindin kéyin, nöwenchi reislikni hindonéziyege ötküzüp béridu.
yighingha, türkiyege wakaliten jumhur reis rejep tayip erdoghan ishtirak qilidu.
jumhur reis rejep tayiyp erdoghan yighin boyiche muhim diplomatik uchrishishlarni ötküzidu.
bash ministirliq wezipisidin widalishish aldida turghan angéla mérkél axirqi qétim gérmaniyege wakaliten G20 dölet guruhi yighinigha qatnishidu.
yighingha, amérika, engliye, firansiye, rusiye, kanada, yaponiye, gérmaniye, türkiye, yaponiye, jenubiy koréye, awstiraliye, biraziliye, argéntina, hindistan, hindonéziye, xitay, méksika, seudi erebistan, jenubiy afriqa we yawropa ittipaqidin bashqa, sahibxan dölet italiye teklip qilghan döletler bilen xelqara pul fondi teshkilati, dunya bankasi, iqtisadiy hemkarliq we tereqqiyat teshkilati, dunya soda teshkilati, xelqara emgek teshkilati we b d t qatarliq ielqaraliq teshkilatlarning wekilliri we mesulliri qatnishidu.
rusiye pirézidénti wladimir putin, yaponiye bash weziri fumiyo kishida, méksika pirézidénti andrés manuél lopéz obrador we xitay reisi shi jinpingning yighingha intérnét arqiliq qatnishidighanliqi bildürüldi.
