firansiyede yil axirighiche yene 7 jami we musulmanlar jemiyiti taqilidighan boldi

türkiye awazi radiyosi xewiri: ichki ishlar ministiri gérald darmanin allonnés shehiridiki bir jamini «radikal islamni qolighan» dégen bahane bilen 6 ayliq taqash qararidin memnun bolghanliqini bildürdi.

ichki ishlar ministiri gérald darmanin jamining bashqurghuchilirining banka hésabatiningmu tonglitilghanliqini, pirézidént émmanuél makron (2017 – yili) wezipige olturghandin buyan jemiy 13 musulmanlar jemiyitining taqalghanliqini hembehirlidi.

gérald darmanin bu yilning axirighiche yene 7 jami we musulmanlar jemiyitining taqilidighanliqini bayan qilip, «öchmenlik tarqatqan», «radikal islamchiliqni qollighan» dégen bahane bilen taqilidighanliqini éytti.

darmanin memliket miqyasidiki 2 ming 500 jamidin 92 isige qarita élip bérilghan tekshürüsh netijiside 21 jamining taqalghanliqini eskertip, 2020-yili 9-aydin bashlap, 36 ming chetellikning ammiwi tertipke tehdid salghanliqi sewebidin olturaqlishish kinishkisining bikar qilinghanliqini tekitlidi.

firansiyede bügünge qeder musulmanlargha tewe nurghun jemiyetler her xil bahaniler bilen tarqitiwétilgen idi.

sarté waliy mehkimisining 25 – öktebirde élan qilghan bayanatida, allonnésdiki 300 kishilik jamaiti bolghan jaminingmu «radikal islamni qolighan» dégen seweb bilen 6 ay taqalghanliqi bildürülgen idi. jamining bashqurghuchilirining bolsa fransiyede yüz bergen térorluq hujumlirini aqlighanliqi ilgiri sürülgen idi.

firansiye hökümitining 8-ayda maqullighan «bölgünchilik» qanuni bilen musulmanlarning turmushigha arilishiwalghanliqi qattiq tenqid qilinmaqta.