b d t: iran 2020 - yili 250 ademning ölüm jazasini ijra qildi

türkiye awazi radiyosi xewiri: birleshken döletler teshkilati (b d t)ning kishilik hoquq mesilisi boyiche iran alahide doklatchisi jawid rehman, b d t omumiy kéngishi kishilik hoquq komitétida söz qilip, iranning ölüm jazasini «kishini endishige salidighan derijide» dawamliq ijra qiliwatqanliqini otturigha qoydi.

iranning 2020-yili töt nepiri kichik bala bolup jemiy 250 din artuq mehbusning ölüm jazasini ijra qilghanliqini bildürgen rehman, bu yilmu toqquz nepiri ayal, bir nepiri kichik bala bolup jemiy 230 kishining ölüm jazasining yoshurun halette ijra qilinghanliqini tekitlidi.

u eng yéngi doklatida, iranning ölüm jazasini ijra qilish sewebini izahlighanda «müjmel dölet bixeterlik jinayiti» dégendek éghir endishilerni tekitlewatqanliqini otturigha qoyup, iranning «hetta eng asasiy bixeterlik tedbirlirimu bolmighan edliye jeryanigha ige ikenliki»ni qeyt qildi.