<<yéngi töt terep>> bir munber qurushni qarar qildi

türkiye awazi radiyosi xewiri: <<yéngi töt terep>> ning birinchi yighini intérnét torida ötküzüldi. yighingha, hindistan tashqi ishlar ministiri subrahmanyam jayshankar, isirailiye tashqi ishlar ministiri yair lapid, amérika tashqi ishlar ministiri antoni blinkén we ereb birleshme xelipiliki tashqi ishlar ministiri sheyx abdullah bin zawwéd alnahyan qatnashti.

hindistan tashqi ishlar ministiri subrahmanyam jayshankar twittérda bayanat élan qilip, yighinda iqtisadiy éshish we dunyawi mesililer mesiliside téximu yéqindin hemkarlishish pikrining muzakire qilinghanliqini, qisqa waqit ichide yene bir yighin échish üchün pikir birliki hasil qilinghanliqini bildürdi.

isirailiye tashqi ishlar ministiri yair lapid twittérda hembehirligen uchurida: <<töt dölet otturisidiki maslishish, ul- eslihe, qatnash, déngiz-okyan bixeterliki we bashqa mesililerde özara hemkarlishishigha yardem qilidu» dédi.

amérika ministiri blinkénmu twittérda uchur hembehirlidi. u yighinning rayon we dunya ortaq köngül bölidighan mesililer bilen, iqtisadiy we siyasiy hemkarliqni kéngeytishning muhimliqigha diqqetning merkzleshkenlikini bildürdi.

amérika tashqi ishlar ministirliqining bayanatchisi néd prays bu heqtiki bayanatida mundaq dédi:

<<tashqi ishlar ministirliri soda, kilimat özgirishige qarshi turush, énérgiye hemkarliqi we déngiz bixeterlikini kücheytishni öz ichige alghan halda  ottura sherq we asiyada iqtisadiy we siyasiy hemkarliqlarni kéngeytishni muzakire qilghanliqini bildürdi.