sudanda ortaq kirizis üstili quruldi

sudan hökümiti otturigha chiqqan kirizisni hel qilish üchün barliq tereplerdin teshkillengen ortaq kirizis üstili qurulghanliqini élan qildi.

1721672
sudanda ortaq kirizis üstili quruldi

türkiye awazi radiyosi xewiri: sudan hökümiti otturigha chiqqan kirizisni hel qilish üchün barliq tereplerdin teshkillengen ortaq kirizis üstili qurulghanliqini élan qildi.

sudan bash ministirliq mehkimisining bayanatigha asaslanghanda, bash ministir abdullah hamduq bashchiliqidiki kabént yighinida, dölettiki kirizisni hel qilish yolliri muzakire qilinghan.

yighinda, hakimiyet béshidiki birleshme hökümet we armiye shérikliri otturisidiki diyalogning muhimliqi tekitlendi.

yighinda yene, siyasiy kirizis we dölettiki qiyinchiliqlarni hel qilish üchün barliq tereplerni öz ichige alghan halda kirizis üstilining qurulushi, démokratiyege ötüshni kücheytish, qoghdash we muqimliqni kapaletke ige qilishni nishan qilghan chariler üstide muresse qilish qarar qilindi.

bash ministir abdullah hamduq sherqtiki hökümetke qarshi namayishlar we buninggha egiship yüz bergen yéqilghu hemde yémek-ichmek kirizisi üstide toxtilip, puqralarning heq-hoquqini qoghdaydighan adil hel qilish charilirini tézlikte tépish mesilisi üstide tirishchanliq körsitiwatqanliqlirini, sherqtiki namayishlargha rehberlik qiliwatqan kishiler bilen dawamliq alaqilishiwatqanliqini qeyt qildi.

sudan hökümiti bilen bezi qoralliq guruppilar otturisida 2020-yili jenubiy sudan paytexti jubada imzalanghan tinchliq kélishimining maddilirigha naraziliq bildürgen we hökümetning istépasini telep qilghan sherqtiki bija qebilisi ezaliri 17-séntebir (2021) bashlighan, portlar we asasliq yollarning taqilishigha seweb bolghan namayishlar, dölet ichide yéqilghu we yémek-ichmek kirizisining partlishigha seweb bolghan idi.


خەتكۈچ: #kirizis üstili , #sudan

مۇناسىۋەتلىك خەۋەرلەر