xelilzad wezipisidin istépa berdi
amérika tashqi ishlar ministiri antoni blinkén, amérikaning afghanistan alahide wekili zalmay xelilzadning istépa bergenlikini, uning ornigha muawini tomas wéstning teyinlengenlikini uqturdi.
türkiye awazi radiyosi xewiri: antoni blinkén yazma bayanat élan qilip: «afghanistan alahide wekili zalmay xelilzad xizmitidin ayrilidu. men uning amérika xelqige qilghan nechche on yilliq xizmitige minnetdarliqimni bildürimen. ilgiri alahide wekil muawini bolup wezipe ötigen tomas wést afghanistan alahide elchisi bolup wezipe öteydu» dégenlerni qeyt qildi.
amérika pirézidénti jo baydin muawin pirézidéntliq wezipisini ötewatqan mezgilde dölet bixeterlik xadimliri sépide wezipe ötigen wéstning afghanistangha munasiwetlik diplomatik tirishchanliqlargha rehberlik qilidighanliqini bildürgen blinkén: «alahide wekil wést diplomatik tirishchanliqlargha bashlamchiliq qilidu, jenubiy we ottura asiya ishliri biyurosida ministir we muawin ministirlargha meslihet béridu» dédi.
amérikaning sabiq prézidénti donald tramp teripidin afghanistan alahide wekillikige teyinlengen xelilzad, amérikaning talibanlar bilen élip barghan söhbitide muhim rol oynighanidi.
