amérika: sherqiy aqdéngizgha tutqan pozitsiyemiz özgermeydu
amérika qoshma ishtatliri özining sherqiy aqdéngizgha tutqan pozitsiyesining özgermigenlikini tekitlep: «biz barliq döletlerni déngiz-okyan chégra mesililirini xelqara qanun boyiche tinch yol bilen hel qilishqa righbetlendürimiz» dep bayanat élan qildi.
türkiye awazi radiyosi xewiri: amérika tashqi ishlar ministirliqi bayanatchisi néd prayis anadolu agéntliqi muxbirining yéqinda amérika bilen girétsiye otturisida imzalanghan mudapie hemkarliq kélishimige munasiwetlik soaligha yazma jawab qayturdi.
néd prayis bayanatida: «amérikaning uzundin buyanqi özgermigen pozitsiyesi yenila oxshash. jo baydin hökümiti sherqiy aqdéngizning muqimliqigha kapaletlik qilidu» dégen ibarilerni ishletti.
u bayanatchi sherqiy aqdéngizning déngiz chégra teweliki üstidimu toxtilip: «biz barliq döletlerning igilik hoquqi we zémin pütünlükini qoghdash we hörmet qilish kéreklikige ishinimiz. pirinsip jehettin her qaysi döletlerni déngiz-okyan chégra mesilisini xelqara qanungha asasen tinch yol bilen hel qilishqa righbetlendürimiz. omumiy pozitsiye süpitide, amérika konkrét telep yaki tekliplerning aqiwitige qarita pozitsiye bildürmeydu» dédi.
néd prayis bu heqte tünügün (2021-yili 16-öktebir) élan qilghan bayanatida, amérikaning türkiye bilen girétsiye otturisidiki muzakirelerni qollaydighanliqini, washingitonning adette bashqa döletler otturisidiki déngiz chégra talash-tartishida pozitsiye tutup yürmeydighanliqini éytqan éytti.
