америка: шәрқий ақдеңизға тутқан позитсийәмиз өзгәрмәйду
америка қошма иштатлири өзиниң шәрқий ақдеңизға тутқан позитсийәсиниң өзгәрмигәнликини тәкитләп: «биз барлиқ дөләтләрни деңиз-окйан чегра мәсилилирини хәлқара қанун бойичә тинч йол билән һәл қилишқа риғбәтләндүримиз» дәп байанат елан қилди.
түркийә авази радийоси хәвири: америка ташқи ишлар министирлиқи байанатчиси нед прайис анадолу агентлиқи мухбириниң йеқинда америка билән гиретсийә оттурисида имзаланған мудапиә һәмкарлиқ келишимигә мунасивәтлик соалиға йазма җаваб қайтурди.
нед прайис байанатида: «американиң узундин буйанқи өзгәрмигән позитсийәси йәнила охшаш. җо байдин һөкүмити шәрқий ақдеңизниң муқимлиқиға капаләтлик қилиду» дегән ибариләрни ишләтти.
у байанатчи шәрқий ақдеңизниң деңиз чегра тәвәлики үстидиму тохтилип: «биз барлиқ дөләтләрниң игилик һоқуқи вә земин пүтүнлүкини қоғдаш вә һөрмәт қилиш керәкликигә ишинимиз. пиринсип җәһәттин һәр қайси дөләтләрни деңиз-окйан чегра мәсилисини хәлқара қанунға асасән тинч йол билән һәл қилишқа риғбәтләндүримиз. омумий позитсийә сүпитидә, америка конкрет тәләп йаки тәклипләрниң ақивитигә қарита позитсийә билдүрмәйду» деди.
нед прайис бу һәқтә түнүгүн (2021-йили 16-өктәбир) елан қилған байанатида, американиң түркийә билән гиретсийә оттурисидики музакирәләрни қоллайдиғанлиқини, вашингитонниң адәттә башқа дөләтләр оттурисидики деңиз чегра талаш-тартишида позитсийә тутуп йүрмәйдиғанлиқини ейтқан ейтти.
