shimaliy makédoniye we kosowodiki saylam bügün axirlishidu

türkiye awazi radiyosi xewiri: shimaliy makédoniyede tizimlatqan 1 milyon 824 ming 864 saylighuchi shu yer waqti 19.00 giche 3480 sanduqqa bélet tashliyalaydu. saylamda yerlik hökümetler üchün 299 sheher bashliqi namzatini qoshqanda texminen 10 ming 800 namzat riqabetlishidu.
shimaliy makédoniyediki ikkinchi nöwetlik yerlik saylam 31-öktebir (2021) ötküzülidu. eger birinchi basquchta %50 tin artuq béletke érishelmise, eng köp béletke érishken ikki kandidat ikkinchi basquchta riqabetlishidu.
shimaliy makédoniyede her 4 yilda bir qétim yerlik saylam ötküzülidighan bolup, saylighuchilar 81 sheher bashliqi we sheherlik hökümet mejlisining ezalirini békitidu.
yene bir tereptin, kosowodimu kishiler sheher bashliqi we kéngesh ezalirini békitish üchün saylamgha qatnashmaqta.
bélet tashlash shu yerning waqti 07:00 de bashlandi. tizimgha élinghan 1 milyon 885 ming 448 saylighuchi shu yer waqti 19.00 giche 2477 sanduqqa bélet tashliyalaydu.
saylamda 23 musteqil kandidattin bashqa yene, 32 siyasiy partiye, 1 birleshme we 33 ammiwi teshebbuschilardin terkip tapqan texminen 5500 kishi riqabetlishidu.
kosowoda her 4 yilda bir yerlik saylam ötküzülidighan bolup, saylighuchilar 38 sheher bashliqi we sheherlik hökümet kéngishi ezalirini saylap chiqidu.