мадуро дийалогниң тохтап қелишиға американиң җавабкар икәнликини билдүрди

венезуела пирезиденти николас мадуро өктичиләр билән давамлишиватқан дийалогларниң тохтап қелишиға американиң җавабкар икәнликини билдүрди.

1721033
мадуро дийалогниң тохтап қелишиға американиң җавабкар икәнликини билдүрди

түркийә авази радийоси хәвири: венезуела пирезиденти мадуро в т в (VTV) телевизийәсидә байанат елан қилип, өктичиләр билән 2021-йили 13-авғусттин буйан өткүзүп кәлгән дийалогқа, американиң «әҗәллик пичақ» тиққанлиқини әскәртип, көрүшүшләрдин чекингәнликлирини билдүрди.

у түнүгүн (2021-йили 17-өктәбир) ғәрбий африқадики йешил тумшуқ даирилири тәрипидин америкаға тапшуруп берилгән алекс саабниң венезуелалиқ дипломат икәнликини әскәртти. у мундақ деди:

«америка мексика дийалог комитетиниң әзаси болған алекс саабни елип қачқанда, мексикадики сөһбәтләргә әҗәллик зәрбә беридиғанлиқини биләтти. буни билгәнлики үчүн, америка һәрикәткә өтти. дийалогни халимайду, венезуела үчүн тинчлиқни халимайду.»

у өктичиләр билән өткүзүлидиған 4-қетимлиқ көрүшүшни тохтитиш буйруқини чүшүргәнликини әскәртти вә буниңға, саабниң америкаға тапшуруп берилишини сәвәб қилип көрсәтти.

бүгүн (2021-йили 18-өктәбир) венезуела өктичилириниң вәкиллири елан қилған байанатта, һөкүмәтниң дийалог үстилигә қайтип келиши чақириқ қилинди.

сааб 2020-йили 12-ийун американиң тәлипи бойичә пул йуйуш билән әйиблинип, йешил тумшуқта тутулған иди.

венезуела даирилириниң саабниң тутулуши һәққидә әйни вақитта елан қилған байанатлирида, саабниң дипломат икәнлики алаһидә тәкитләнгән вә йешил тумшуқниң вийенна шәртнамисигә хилаплиқ қилғанлиқи әйибләнгән иди.

сааб түнүгүн йешил тумшуқ тәрипидин америкаға өткүзүп берилди.



مۇناسىۋەتلىك خەۋەرلەر