xitay seudi erebistan bolghan munasiwetlirige ehmiyet béridighanliqini bildürdi

xitay ottura sherqtiki diplomatiyeside her daim seudi erebistan bilen bolghan munasiwetlirige aldin ehmiyet béridighanliqini bildürdi.

1721263
xitay seudi erebistan bolghan munasiwetlirige ehmiyet béridighanliqini bildürdi

türkiye awazi radiyosi xewiri: xitay tashqi ishlar ministiri wang yi seudi erebistan tashqi ishlar weziri faysal bin farhan bilen téléfonda körüshti.

xitay tashqi ishlar ministirliqining wang yi-faysal bin farhan körüshüshi toghrisidiki bayanatigha asaslanghanda, wang yi xitayning seudi erebistanning uzun muddetlik, ishenchlik we muqim dosti hemde shériki bolushni xalaydighanliqini éytqan.

u ikki dölet otturisidiki munasiwetlerning muqim tereqqiy qilghanliqini eskertip, béyjingning ikki terep munasiwetlirini téximu yuqiri sewiyege yetküzüshni xalaydighanliqini tekitligen.

u: «xitay seudi erebistanni milliy igilik hoquqini, bixeterlikini we muqimliqini qoghdashta qollaydu, seudi erebistanning ichki ishlirigha arilishishqa qetiy qarshi turidu. béyjing ottura sherqtiki diplomatiyeside, seudi erebistan bilen bolghan munasiwetlirige her daim aldin ehmiyet béridu» dégen.

seudi erebistan tashqi ishlar weziri faysal bin farhan dölitiningmu xitaygha ishenchlik shérik süpitide qaraydighanliqini bildürüp, seudi erebistanning xitayning iran yadro mesilisidiki tengdashsiz roligha ehmiyet béridighanliqini qeyt qilghan.

iran tashqi ishlar ministiri hüseyin emir abdullahiyan bilen xitay tashqi ishlar ministiri wang yi 16-öktebir (2021) téléfonda körüshkende, yadro kélishimi mesililiri üstide söhbet ötküzgen idi.

wang yi barliq tereplerning yadro kélishimige qaytip kélishi kéreklikini bildürüp, iran bilen yawropa ittipaqi otturisida bashlanghan körüshüshlerni memnunluq bilen qarshi alidighanliqlirini we mesilini yéqindin közitidighanliqlirini eskertken idi.



مۇناسىۋەتلىك خەۋەرلەر