ukraina rusiyege saylam émbargosi yürgüzüshni dawamlashturmaqta
ukraina hökümiti rusiyening qanunsiz halda özige qoshuwalghan qirimda saylam ötküzüshige bolghan naraziliqi dairiside yene 237 kishige jaza yürgüzüshni qarar qildi.
türkiye awazi radiyosi xewiri: ukraina dölet bixeterlik we mudapie komitéti katipi alékséy danilow komitét yighinidin kéyin bayanat élan qilip, yighinda rusiye teripidin qanunsiz halda qoshuwélinghan qirimda saylam ötküzüshige chétishliq yene 237 kishige jaza yürgüzüshning qarar qilinghanliqini uqturdi.
danilow, yighinda yene ukraina dölet mudapie pilaniningmu qobul qilghanliqini bildürdi.
mezkur jaza ukraina pirézidénti wiladimir zélénskiyning testiqidin kéyin ijra qilinidiken.
zélénskiy 5- öktebir rusiye qanunsiz halda özige qoshuwalghan qirimda saylam ötküzgenliki üchün rusiye puqralirini öz ichige alghan 95 kishige jazani yürgüzgenidi.
rusiye parlaméntining töwen qaniti — dölet dumasi, 39 fédératsiye rayonining parlaménti bilen bezi rayonlarning bashliq we mehelle bashliqlirini saylash üchün 9- ayning 17- künidin 19- künigiche saylam ötküzgenidi.
ukraina hökümiti rusiyening qirimda saylam ötküzüshining xelqara qanungha xilapliq ikenlikini otturigha qoyup, itiraz bildürgenidi.
yawropa ittipaqi, rusiye 2014-yili qanunsiz halda özige qoshuwalghan qirimda ötküzülgen saylamni étirap qilmaydighanliqini jakarlighanidi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
