amérika rusiyening bayanatining asassizliqini ilgiri sürdi
amérika déngiz armiyesi rusiye dölet mudapie ministirliqining ikki döletning urush paraxoti otturisidiki özara uchrishishni xata doklat qilghanliqini, amérika paraxotining rusiyening déngiz tewelikige kirmigenlikini otturigha qoydi.
türkiye awazi radiyosi xewiri: rusiye bilen xitay yapon déngizida birleshme herbiy manéwir ötküzüwatqan esnada amérika qoghlighuchi paraxoti USS Chafee ning rayongha kirishi ikki dölet otturisida qisqa muddetlik diplomatik kirizis peyda qildi.
moskwa, rusiye tinch okyan filotining admiral tributs namliq paraxotining rusiye déngiz tewelikidiki amérika qoghlighuchi paraxotining yolini torighanliqini élan qildi, amérika déngiz armiyesi bu dewani ret qildi.
amérika déngiz armiyesining yazma bayanatida: «rusiye dölet mudapie ministirliqining ikki dölet déngiz armiyesi paraxotlirining özara qarshilashqanliqi toghrisidiki sözi toghra emes» dégen ibarilerge orun bérildi.
bayanatta, qoghlighuchi paraxot USS Chafee , 2021 - yili 10 - ayning 15- küni yaponiye déngizining xelqara déngiz tewelikide daimliq meshghulatini dawamlashturush üchün tik uchar ayropilanni qozghitishqa teyyarliq qiliwatqanda, udaloy tipliq rus qoghlighuchi paraxotining 65 métir ariliqqiche yéqinlashqanliqi ilgiri sürüldi.
bayanatta, amérika paraxotining xelqara déngiz tewelikide xelqara qanunlargha asasen heriket qiliwatqanliqi qeyt qilindi.
