türkiye qendehar wilayitide yüz bergen bomba hujumini eyiblidi

türkiye awazi radiyosi xewiri: türkiye tashqi ishlar ministirliqi qendehar wilayitide yüz bergen bomba hujumini eyiblep bayanat élan qildi.

bayanatta: «afghanistanning qendehar wilayitide bir jamede bügün jüme namizi waqtida yüz bergen bomba hujumida nurghun kishining jénidin ayrilghanliqidin we yarilanghanliqidin chongqur qayghurmaqtimiz. afghanistanda yéqinqi mezgillerde, bolupmu jamelerni nishan qilghan bu insaniyetke xilap térrorluq hujumlirini shiddet bilen eyibleymiz, jénidin ayrilghanlargha allahtin rehmet, yarilanghanlargha shipaliq tileymiz, dost we qérindash afghanistan xelqige chongqur teziye bildürimiz» déyildi.

ikki adem bombining afghanistanda talibanning qelesi hésablinidighan qendehar wilayitige jaylashqan shie jamesige qilghan hujumida, deslepki melumatlargha asaslanghanda, 30 kishi jénidin ayrildi, 200 din artuq kishi yarilandi.