blinkén seudi erebistan tashqi ishlar weziri bilen rayonluq mesililerni muzakire qildi
amérika tashqi ishlar ministiri antoni blinkén yemen weziyiti, rayonluq mesililer we ikki terep munasiwetlirini muzakire qilish üchün washingtongha yétip kelgen seudi erebistan tashqi ishlar weziri faysal bin farhan bilen körüshti.
türkiye awazi radiyosi xewiri: antoni blinkén körüshüshtin ilgiri amérika bilen seudi erebistan otturisida küchlük shériklik munasiwitining barliqini bildürdi.
seudi erebistan tashqi ishlar weziri faysal bin farhan ikki dölet munasiwitining ehmiyiti üstide toxtilip: «munasiwetlirimiz peqet biz üchünla emes, belki rayon we dunya üchünmu intayin muhim. rayonluq xewpsizlik we bu heqte birlikte qandaq tirishchanliq körsiteleydighanliqimizni muzakire qilimiz. bulardin bashqa yene, kilimat özgirishi, énérgiye, wuxen wirusi (Kovid-19) gha qarshi küresh qatarliq mesililernimu muzakire qilimiz» dédi.
ikki rehberning uchrishishi jeryanida, amérika tashqi ishlar ministirliqning bayanatchisi néd prays yazma bayanat élan qilip: «ikki rehber yemendiki toqunushlarni axirlashturush üchün uzun muddetlik hel qilish charisi tépishtin ibaret ortaq nishanni öz ichige alghan halda rayonluq mesililerdiki amérika-seudi erebistan istratégiyelik hemkarliqini muzakire qildi» dédi.
u yene: «ministir blinkén amérika hökümitining seudi erebistan zéminini we xelqini qoghdashqa yardem qilish wedisini yéngilidi. amérikaning husiylarning seudi erebistan padishahliqigha qaratqan hujumlirini eyibleydighanliqini bildürdi. uchrishishta, kishilik hoquqni öz ichige alghan bashqa rayonluq we keng dairilik mesililermu muzakire qilindi» dédi.
