афғанистандики балилар ачарчилиқ сәвәбидин өлүм хәвпи астида
пайтәхт кабулдики индира гәнди балилар дохтурханисида хизмәт қилидиған мәсул дохтур муһәммәд әминшәрәфи кәмбәғәллик сәвәбидин балиларниң йетәрлик озуқлиналмайватқанлиқини вә дөләт тәвәсидә балиларниң әһвалиниң хәтәрлик икәнликини ейтти.
түркийә авази радийоси хәвири: афғанистан пайтәхти кабулдики индира гәнди балилар дохтурханисида хизмәт қилидиған мәсул дохтур муһәммәд әмин шәрәфи кәмбәғәллик сәвәбидин балиларниң йетәрлик озуқлиналмайватқанлиқини вә дөләт тәвәсидә балиларниң әһвалиниң хәтәрлик икәнликини ейтти.
у дохтурханида онларчә балиниң йетәрлик озуқлиналмаслиқтин дучар болған кесәллик сәвәбидин даваланғанлиқини билдүрүп: <<бу кесәлликләрниң сәвәби хәлқниң маддий әһвалиниң начар болушидур. кишиләр балилирини бақалмайватиду. балилар йетәрлик ақсил истемал қилалмиғанлиқи үчүн ичи сүрүш вә шуниңға охшайдиған кесәлликләргә муптила болуватиду. балилардики ачарчилиқ вә йетәрлик озуқлиналмаслиқ һалсизлинишқа сәвәб болиду >> деди.
у дөләттики сийасий муқимсизлиқлар сәвәбидин идарә-органларда хизмәт қидиғанларниң тәхминән төт айдин буйан мааш алалмиғанлиқини билдүрүп: <<қиш пәслиниң йетип келиши билән кесәлликләр көпийиду. кишиләр маашини алалмайватиду. ишсизлиқ вә кәмбәғәллик йуқири пәллигә чиқти. балилар хәвп астида. хәлқаралиқ җәмийәтләрдин афғанистан хәлқигә йардәм қилишни тәләп қилимиз>> деди.
кабулдин бәш километир йирақлиққа җайлашқан будхақ йезисида бәзи аилиләр балилириға нан тепишта қийналмақта.
йавропа иттипақи ташқи мунасивәтләр вә хәвпсизлик сийасити алий вәкили җосеп боррел дүшәнбә (2021-йили 11-өктәбир) күни байанат елан қилип: <<афғанистандики инсаний вә иҗтимаий иқтисадий вәзийәт вәйран болушниң босуғисиға йетип кәлди. норвегийә мусапирлар кеңишиниң мәлуматлириға асасланғанда, мувапиқ йардәмгә еришәлмигән тәқдирдә, әң аз дегәндә 1 милйон бала бу қишниң соғуқи вә ачарчилиқ сәвәбидин өлүм хәвпигә дуч кәлгән. қарап туралмаймиз. дәрһал тезликтә һәрикәткә өтүшимиз керәк>> дегән иди.
