nigériyediki jame hujumida 10 kishi jénidin ayrildi

türkiye awazi radiyosi xewiri: tillabéri rayonidiki yerlik taratqularning xewiride bildürülishiche, nigér, mali we burnika faso chégrasigha jaylashqan abankor yézisidiki bir jamege térrorluq hujumi qilinghan.

namaz waqtida motosiklit bilen jamege bésip kirgen térroristlar, jamaetni oqqa tutqan. hujumda, 10 puqra jénidin ayrilghan bolup, ölüm sanining éshishidin endishe qilinmaqta iken.

nigériyege qoshna malida heriket qiliwatqan térrorluq teshkilati el qaide we daéshqa chétishliq térrorluq guruppiliri, burkina faso we nigériyede pat-pat qanliq hujum weqelirini peyda qilmaqta.

b d t melumatlirigha asaslanghanda, yéqinqi üch yilda nigériyediki térrorluq hujumliri sewebidin 313 ming kishi dölet ichide yurt-makanliridin ayrilghan, 235 ming kishi qoshna döletlerdin panahliq tileshke mejbur bolghan.

kishilik hoquq közitish teshkilati yanwar (2021) din iyul éyighiche nigérning mali we burkina faso chégrasida yüz bergen toqquz qétimliq térrorluq hujumida 420 puqraning jénidin ayrilghanliqini élan qilghan idi.